АҚШ президенті коронавирус пандемиясы аяқталды деп мәлімдеді

ВАШИНГТОН. ҚазАқпарат – Президент Джо Байден CBS «60 минут» бағдарламасында коронавирус пандемиясының аяқталғанын мәлімдеді, деп хабарлайды ҚазАқпарат тілшісі Breitbart сайтына сілтеме жасап.

Вирус алғаш рет ҚХР Хубэй провинциясы Ухань қаласында 2019 жылдың желтоқсанында анықталды. Құрама Штаттарда 2020 жылдың басында ауру жұқтырғандар анықтала бастады. 2020 жылдың көктемінен бастап бірнеше штатта кәсіпорындар мен мектептер жабылды. Коронавирусқа қарсы вакцина 2020 жылдың желтоқсанында бірқатар елде пайда болды. Жүргізуші Скотт Пелли бағдарлама барысында АҚШ президентінен «Пандемия бітті ме?» деп сұрады. Джо Байден былай деп жауап берді: «Пандемия аяқталды. Бізде коронавируспен байланысты проблема әлі де бар. Біз әлі де осы мәселе бойынша көп жұмыс істейміз. Бірақ пандемия бітті. Байқаған болсаңыз, бізде ешкім маска тақпайды. Бәрінің жағдайы дұрыс сияқты. Сондықтан жағдай өзгерді деп ойлаймын». Рүстем Қожыбаев Фото:edition.cnn.com