Жаңалықтар

Әлем жаңа штамның қаупін бағалап отыр

2021 жылғы 29 қараша 14:50
Әлем жаңа штамның қаупін бағалап отыр

НҰР-СҰЛТАН. ҚазАқпарат – Ұлыбританияда жиналған «Үлкен жетілік» елдері кеңесінің күн тақырыбында коронавирустың жаңа штамы, жаһандық санитарлық жағдайы болды. Бұл туралы ҚазАқпарат Еuronews ақпарат агенттігіне сілтеме жасап хабарлайды.

Бірер күн бұрын Дүниежүзілік денсаулық сақтау ұйымы «омикронды» алаңдауға себеп болатын қауіпті штамдар қатарына жеткізді. Вирус Еуропаға Оңтүстік Африка республикасынан келген. Әлемнің көптеген елдері осы ел және оның көршілерімен әуе қатынасына шектеу қойып немесе мүлдем тоқтатып отыр. Жексенбі күні жаңа штамм Оңтүстік Африкадан Нидерландыға келіп жеткен кем дегенде 13 жолаушыдан анықталған. Нидерланды елінің Денсаулық сақтау министрі Хуго де Йонге: «Әрине, біз қатты алаңдап отырмыз, бірқатар сарапшылардың пікірінше, коронавирустың бұл нұсқасы өте қауіпті болуы мүмкін. ДДСҰ-ның оны «алаңдаушылық тудыратын» деп атағаны да сондықтан. Біз штамның ауруға шалдыққан адамға, ковидпен ауырған немесе оған қарсы екпе салдыртқандардың иммундық жүйесіне қалай әсер ететінін әзірге білмейміз. Қажетті ақпараттың болмауы себебімен, алаңдауымызды орынды не орынсыз екенін білмей отырмыз», - деп түсіндірді. Осы арада, жаңа штамм пайда болған елдің дәрігерлері шетелдік әріптестерін алаңдамауын сұрады. Оңтүстікафрикалық медицина қауымдастығының төрайымы Анжелика Коетзи: «Ауру белгілері өте әлсіз, мұндай пациенттерді үйден де емдеуге болады. Мұндағы дәрігерлердің пациенттерін оттегіне өткізу қажеттілігі туралы естіген емеспін», - деді.