Жаңалықтар

Аспандағы ұшақтың видеосын химиялық зат шашты деп ойлаған: Қазақстанда жаңа фейк тарады

2021 жылғы 30 наурыз 14:00
Аспандағы ұшақтың видеосын химиялық зат шашты деп ойлаған: Қазақстанда жаңа фейк тарады

НҰР-СҰЛТАН. ҚазАқпарат - Қазақстандықтар әуеге химиялық заттар шашу теориясын қайта талқылауда. Бұл жолы гипотеза ұшып бара жатқан Boeing 787 Dreamliner жолаушылар ұшағының видеосымен дәлелденіп отыр. Ол ешқандай химиялық заттар шаша алмайды, деп хабарлайды бұл хабарды жоққа шығарған Stopfake.kz ресурсы.

Әлеуметтік желілерде және мессенджерлерде таратылып жатқан видео ескі. Ол 2017 жылдың шілдесінде шыққан. Сонымен қатар, түпнұсқа роликте ұшақтың артында нақты конденсация ізі бар екендігі көрсетілген. Конденсациялық із – атмосфераның белгілі бір жағдайларында қозғалатын ұшатын аппараттардың артында атмосферада пайда болатын конденсацияланған ылғалдан (тамшылардан немесе мұз кристалдарынан) тұратын ауада көрінетін із. Олар ұшақ жоғары биіктікке көтерілгенде көрінеді. Ондағы ылғалдылық шық нүктесінен төмен түседі, ал ауа температурасы минус 30-дан төмен болады. Мұндай биіктікте қандай да болмасын заттарды шашу мүмкін емес. Сонымен қатар, Boeing 787 Dreamliner – жолаушылар ұшағы. Онда химиялық заттары бар үлкен резервуарларды және оларды жерге шашуға арналған жабдықты орналастыратындай бос орын жоқ. Дәл сол видеоның қолданушыларға әсер еткені сонша, 2017 жылы ол тағы бір қастандық теориясының «дәлелі» болып шықты. Адамдар осылайша басқа планеталықтардың жерге келуін түсіндіруге тырысқан.