КВИ-ға қарсы вакцинацияның толық курсы аяқталғаннан кейін 6-9 айдан кейін қосымша дозаны енгізу ұсынылады, бұл ретте:

векторлық (Спутник) вакциналармен вакцинацияланған адамдар – 9 айдан кейін ревакцинация белсенділігі жойылған (Sinopharm, CoronaVac, Hayat-Vax, QazCovid-in) немесе м-РНК- вакцинасымен (Pfizer);

(Sinopharm, CoronaVac, Hayat-Vax, QazCovid-in) белсенділігі жойылған вакцина алған тұлғалар – векторлық (Спутник) немесе м-РНҚ вакцинасымен (Pfizer) 6 айдан кейін;

м-РНК вакцинасымен (Pfizer) вакцинасын алған тұлғалар - 6 айдан кейін белсенділігі жойылған (Sinopharm, CoronaVac, Hayat-Vax, QazCovid-in) немесе векторлық (Спутник) вакцинасын;

вакцинацияның толық курсын алып, кейін КВИ-мен ауырып қалған адамдар сауыққаннан кейін 3 айдан кейін ала алады.

Осылайша, ревакцинацияның басталуы 2021 жылғы қарашаның III онкүндігінен басталады.

Ревакцинацияға арналған контингент: тәуекел топтары (медициналық қызметкерлер, педагогтар, МӘМ және жабық мекемелердің персоналы мен контингенті, күш құрылымдарының қызметкерлері); 60 жастан асқан адамдар; өздігінен зерттеуден өткен және КВИ-ға қарсы антиденелерге теріс тест нәтижесі бар адамдар.

Ревакцинация үшін вакцинаның 1 дозасы пайдаланылатын болады.

Қазақстанның практикалық денсаулық сақтауында «COVID-19 коронавирустық инфекциясы» диагнозы мен емдеудің клиникалық хаттамасы қолданылады, онда COVID-19 негізгі терапиясы – бұл симптоматикалық терапия, ол симптомдарды жоюға бағытталған емдеуді қамтиды: қызба, жөтел, ентігу, интоксикация. Қызбаны тоқтату үшін қызуды төмендететін препараттар – парацетамол, ибупрофен, сондай-ақ салқындатудың физикалық әдістері қолданылады. Аурудың симптомсыз және жеңіл түрінде амбулаторлық деңгейде бактерияға қарсы және этиотропты терапия жүргізілмейді. COVID-19 кезінде вирустық пневмония бастапқы эмпирикалық бактерияға қарсы терапия үшін көрсеткіш болып табылмайды. Антибиотиктерді тағайындау қайталама бактериялық пневмонияны қосқанда ғана көрсетілген және «ересектердегі пневмония (ауруханадан тыс пневмония)» клиникалық хаттамасына және «балалардағы пневмония» клиникалық хаттамасына сәйкес жүргізіледі.

ПТР-ға талдау алу-жедел жәрдемді шақыру кезінде тестілеу тегін, яғни тегін медициналық көмектің кепілдік берілген көлемі шеңберінде жүзеге асырылады. Мұндай қызметті көрсетудің барлық негізделген жағдайларын міндетті әлеуметтік медициналық сақтандыру қоры медициналық ұйымдарға төлейтін болады. Бұл COVID-19 күдігі бар, сондай-ақ ЖРВИ немесе пневмония симптомдары бар эпидемиологиялық көрсеткіштер бойынша тестілеу. Кейіннен мұндай пациенттерге зерттеу үшін зертханаларда, оның ішінде ТМККК және МӘМС шеңберінде зерттеулерді орындауға шарт жасалған жеке меншік зертханаларда жолдама беріледі. Жеке зертханалар, сондай-ақ қызмет көрсетуді қалайтын тұлғалар үшін ақылы негізде де жүзеге асыруды жалғастырады.

Зертханалық дерек негізінде жүргізілген бағалаудың алдын ала нәтижелері бойынша, COVID-19 диагнозы 100% анықталған және емделіп шыққан адамдарда коронавирусқа антиденелер анықталды. Алайда, антиденелерді өндіру ауру басталғаннан бастап белгілі бір күндері біркелкі емес, олардың әртүрлі титрі бар және коронавирусқа төзімді иммунитетті жасау мәселелері де бар. Сондықтан бұл егжей-тегжейлі зерттеуді талап етеді. Біз оны Бүкіләлемдік Денсаулық сақтау ұйымымен бірлесіп өткізілетін коронавирустық инфекцияны сероэпидемиологиялық зерттеудің 2019 бірлескен бағдарламасына енгіздік. Зерттеу Ұлттық қоғамдық денсаулық сақтау орталығының базасында ұйымдастырылады. Бұдан басқа, антиденелерді зерттеу диагностика мен емдеудің клиникалық хаттамасына және бас санитария дәрігерінің қаулысына енгізілген.

Тіркеуде тұратын диспансерлік науқастарды тегін препараттармен қамтамасыз ету мақсатында бекітілген амбулаторлық дәрі-дәрмекпен қамтамасыз ету тізімі бар. Соған сәйкес, жеңіл және орта дәрежедегі пневмонияға шалдыққан науқастарға Амоксицилин, Азитромицин тегін беріледі. Бұл дәрі-дәрмек 18 жасқа дейінгі балаларға да ақысыз ұсынылады. Оған қоса Цефупроксим, Ибупрофен мен Парацетамол қарастырылған. Барлық дәрі-дәрмектерді "СК-Фармация" бірыңғай дистрибьюторы сатып алды және медициналық ұйымдардың қажеттілігіне сәйкес жеткізіледі. Бүгінгі күні дәрі-дәрмекпен қамтамасыз етудің ақпараттық жүйесінің деректері бойынша барлық медициналық ұйымдардың дәрілік заттардың жеткілікті қоры бар. Бұдан басқа, клиникалық хаттамаға сәйкес, бізде Жапония мен Ресей елдерінде COVID-19 емдеуде кеңінен қолданылатын Фавипир препаратын стационар деңгейінде тағайындау мүмкіндігі пайда болды.

Парацетамолдың көтерме саудаға шығудағы бағасы оның шығу формасы, мөлшері, өндірушісі мен басқа да критерийлерге байланысты 21-ден 1210 теңгеге дейін. Ингавирин 60 мг №7 шекті бағасы – 4240 теңге, ал Ингавирин 60 №7 бағасы – 2270 теңге. Көтерме үстеме баға дәрілік заттың бағасына байланысты үстеме бағаның регрессивті шкаласына сәйкес сараланады және 10%-дан 21%-ға дейін белгіленген.Бөлшек сауда бағалары ұқсас қалыптасады және 10%-дан 55%-ға дейін құрайды.

Мониторинг күнделікті негізде жүргізіледі. Апта сайын жүйелі шешімдерді қарауға және қабылдауға енгізілетін бірқатар мәселелер жасалады."Осы жерде және қазір" қағидаты бойынша мәселелерді жедел шешу үшін әлеуметтік медициналық сақтандыру қорында 1406 бірыңғай байланыс орталығы құрылды, онда әрбір адам емдеу немесе медициналық көмекті ұйымдастыру жөнінде кеңес алып, шағым да қалдыра алады. «1406» бірыңғай байланыс орталығы 24/7/365 тәртібінде жұмыс істейді. Бұдан басқа, әлеуметтік медициналық сақтандыру қоры «Qoldau 24/7» мобильдік қосымшасын іске қосты, ол өте сұранысқа ие, себебі көптеген адамдарға электрондық үндеу қалдыру үшін ыңғайлы.

Біздің елмізіде мейірбике тапшы емес. Денсаулық сақтау саласында 108 мың орта буын мамандары жұмыс істеп жатыр. Аймақтардағы маман жетіспеушілігін алдын алу мақсатында медициналық колледж бен медициналық ЖОО түлектері тартылатын болады. Жыл сайын орта маман шығаратын оқу орындарын 7-8 мың мейірбике бітіруде. Биылдың өзінде техникалық және кәсіби деңгейдегі білімі бар 7,8 мың және жоғары білімі мен магистратура деңгейіндегі 141 маманға ие болдық. Дегенмен, дәрігерлер жетіспеушілігі бар. Маман тапшылығы Атырау, Маңғыстау, Түркістан, Қарағанды, Шығыс Қазақстан, Қостанай, Солтүстік Қазақстан, Ақтөбе, Батыс Қазақстан облыстары мен Нұр-Сұлтан қаласында байқалады. Облыстық Денсаулық сақтау басқармасының мәліметі бойынша, 616 анестезиолог-реаниматолог, 158 инфекционист, 60 эпидемиолог, 166 кардиолог, 68 пульманолог, 84 реабилитолог қажет. Бұл проблеманы шешу үшін Денсаулық сақтау министрлігі барлық жұмылдырылған медициналық кадрлар бойынша бірыңғай деректер базасын қалыптастырады, ал бұл аса мұқтаж өңірлерге консультациялық және практикалық көмек көрсететін 40 мыңнан астам маман. Сондай-ақ қазірдің өзінде жеке сектордың 60%-дан астамын жұмысқа тартты. Олардың мамандарымен тегін медициналық көмектің кепілдік берілген көлемі шеңберінде қызмет көрсету туралы келісім шарт жасалып жатыр.

Тамыз айының ортасына дейін. Ол үшін Үкімет бөлген қаражат есебінен 15 стационарлық және 5 мобильді ПТР-аппарат сатып алынады. ПТР-тестілеуді өткізу үшін қосымша 8 жылжымалы зертхана сатып алынады. Жалпы, бүгінгі таңда елімізде 46 зертхана жұмыс істейді, олардың өз қорында ПТР-анализаторлары бар. Наурыз айының басынан бері ел бойынша барлығы 1 662 291 ПТР тест жүргізілді, оның 80 996 оң нәтиже көрсетті, бұл 4,8%-ды құрайды. Өткізу қуатын арттыру үшін осы айдан бастап қосымша тест алуды мобильді бригадалар мен жедел жәрдем жүргізеді.

Денсаулық сақтау министрлігі 114 826,1 млн теңге көлеміндегі қаражатты екі тараптан алды: Үкімет резервінен және республикалық бюджет қорынан. Үкіметтен алынған 40 058,6 млн теңге бірінші кезектегі қажеттіліктерге, соның ішінде медициналық қызметкерлерді қорғауға жұмсалды. 21 184 млн теңгеге коронавирус инфекциясымен күреске жұмылдырылған барлық мамандар үшін жеке басты қорғайтын заттар алынды. Дәрі-дәрмек пен медициналық заттарды сатып алуға 2 030,8 млн теңге, зертханалық құрылғылар мен коронавирусты анықтайтын тест жүйесіне 2 503,3 млн теңге, коронавирусты анықтайтын реагенттерді әзірлеу және шығару үшін 100,0 млн теңге жұмсалды. ПТР әдісі арқылы зертханалық зерттеу қызметіне 13 799,4 млн теңге жұмсалды. Тағы 310,0 млн теңге жедел медициналық жәрдем автокөліктерін жабдықтау үшін отандық өкпені жасанды желдету аппараттарын сатып алуға және 131,1 млн теңге азаматтарды эвакуациялауға бағытталды. 2020 жылға арналған республикалық бюджет қаражатынан 74 767,5 млн теңге бөлінді. Оның ішінде 19 509,6 млн теңгесі медициналық ұйымдардың инфекциялық, провизорлық және карантиндік стационарларында көрсетілетін медициналық қызметтерге, 40 457,9 млн теңгесі карантиндік іс-шараларды өткізуге тартылған қызметкерлерді ынталандыруға және тағы 14 800 млн теңге Нұр-Сұлтан, Шымкент және Алматы қалаларындағы инфекциялық ауруханаларды орналастыру үшін үш тез салынатын кешен құруға жұмсалды.

Бүкіл ел бойынша бізде өкпені жасанды желдетудің 3 294 стационарлық аппараты (ӨЖЖ) бар және қазір оларды өңірлердегі қажеттілікке байланысты қайта бөлу бойынша шаралар қабылдануда. Бірақ біз мұның жеткіліксіз екенін түсінеміз, сондықтан қазір өңірлердің әкімдіктерімен бірлесіп, аппраттарды толықтыруды көздеп отырмыз. Жақын арада медициналық ұйымдар тағы 1 658 стационарлық ӨЖЖ аппаратын алады. Олардың ішінде 680-і портативті, олар жедел медициналық жәрдем автокөліктерін жаңартып, қосымша жарақтандыруға арналған, 978-і стационарлық-базалық кеңейтілген функциялары бар. Осыған орай, COVID-ке шалдыққандар санының артуы және аурудың алдағы уақыттағы таралу қауіпін ескере отырып, биыл тағы да 4 мың ӨЖЖ аппараттарын қосымша сатып алу мәселесі қарастырылуда.