Қазақстанда коронавирус жұқтырғандардың 98%-дан астамы сауығып кетті

НҰР-СҰЛТАН. ҚазАқпарат – Қазақстанда коронавирус жұқтырғандардың 98%-дан астамы аурудан жазылып кетті. Бұл туралы ҚазАқпарат санитариялық-эпидемиологиялық бақылау комитетінің ресми өкілі Ержан Байтанаевқа сілтеме жасап хабарлайды.

Ресми өкіл таратқан мәліметтерге қарағанда, Қазақстанда COVID-19 бойынша эпидемиологиялық жағдай тұрақты, тәулігіне 20-ға дейін инфекция жұқтыру дерегі тіркеледі. Бұл инфекцияның таралу коэффициентіне де әсер етті, сәуір айынан бері бұл көрсеткіш 1-ден төмен. Науқастардың 98%-дан астамы сауығып шықты. «Соңғы айда стационарлық ем алатын науқастар саны 5,7 есеге (588-ден 102-ге дейін), амбулаториялық ем алып жатқан науқастар - 3,4 есеге (5655-тен 1655-ке дейін), инфекциялық төсек орындарының жүктемесі 2,0 есеге (8-ден 4%-ға дейін), реанимациялық төсектер жүктемесі 3,5 есеге 7-ден 2% - ға дейін төмендеді»,-делінген хабарламада.