Жаңалықтар

Кене коронавирус тасымалдаушысы бола ала ма

2021 жылғы 14 сәуір 13:05
Кене коронавирус тасымалдаушысы бола ала ма

АЛМАТЫ. ҚазАқпарат- ҚР клиникалық және іргелі медицина академигі, Асфендияров атындағы ҚазҰМУ эпидемиология кафедрасының және Қазақ медициналық үздіксіз білім беру университетінің профессоры Сәкен Әміреев онлайн брифинг барысында «Кенелер коронавирус тасымалдаушысы бола ала ма?» деген сауалға жауап берді, деп хабарлайды ҚазАқпарат тілшісі.

Эпидемиологтың айтуынша, коронавирустың қан соратын жәндіктер арқылы жұғу ықтималдығы өте аз. «Күн жылысымен кенелер шыға бастайды. Сәуір-мамыр айларында өте белсенді болады. Кененің шағуы қауіпті және жағымсыз салдарға әкелуі мүмкін. Маса, шыбын мен кене сияқты жәндіктер коронавирус инфекциясыныңтасымалдаушысы болып табылмайды. Мұндай ақпарат та, ғылыми дәлел де жоқ», - деді Сәкен Әміреев. Бұған дейін, ол халықты вакцина салдыруға шақырған болатын.