Жаңалықтар

Коронавирус пен пневмониядан 13 науқас көз жұмды

2022 жылғы 22 қаңтар 09:56
Коронавирус пен пневмониядан 13 науқас көз жұмды

НҰР-СҰЛТАН. ҚазАқпарат - ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады.

Оған сәйкес, 20 қаңтар күні Қазақстан аумағында 11 адам - коронавирустан, тағы 2 сырқат - пневмониядан қайтқан. Коронавирустан ажал құшқандардың ең көбі Нұр-Сұлтан қаласында - 4 адам. Пневмониядан 2 адам өлген. Сондай-ақ, Алматы қаласында - 3, Шымкент қаласында - 2, Ақтөбе және Атырау облыстарында - бір адамнан көз жұмды. Еліміздің басқа өңірлерінде қайғылы жағдайлар тіркелген жоқ.