Жаңалықтар

Қостанай облысында кітапханалар мен музейлердің қызметіне рұқсат берілді

2021 жылғы 26 ақпан 22:04
Қостанай облысында кітапханалар мен музейлердің қызметіне рұқсат берілді

ҚОСТАНАЙ. ҚазАқпарат — Облыс әкімдігі жанынан құрылған жедел штаб 1 наурыздан бастап карантин шараларын жеңілдету туралы қаулы қабылдады, деп хабарлайды ҚазАқпарат.

Қостанай облысы мемлекеттік санитарлық бас дәптерінің шешімімен өңірде діни объектілердің (мешіттер, шіркеулер, соборлар, синагогалар және т. б.) қызметіне рұқсат етілді. Бұл ретте ғимарат ішінде жеке, ұжымдық іс-шаралар өткізілмейді және жұма намазында адамдар арасындағы қашықтық сақталады. Сондай-ақ мешіт ішіндегі қоғамдық тамақтану объектілерінің жұмысына тыйым салынды. «Күшейтілген санитариялық шараларды сақтай отырып, штаттық режимде жұмыс кестесін белгілеп, азық-түлік дүкендерінің барлық түрлерінің қызметіне рұқсат беріледі. Кітапханалар мен музейлердің, фотосалондардың, гүл сататын объектілердің жұмысы жалғасады. Азық-түлік және азық-түлік емес базарлардың, оның ішінде жабық базарлар толық режимде жұмыс істейді. Күшейтілген санитариялық – дезинфекциялық шараларды сақтай отырып, санаторийлердің, профилакторийлердің, үйлер мен демалыс базаларының штаттық режимдегі жұмысына рұқсат берілсін», делінген қаулыда. Сонымен қатар аймақта халыққа қызмет көрсету саласындағы (қонақ үйлер, қонақ үйлер, туристік базалар және т. б.) нысандардың жұмысы жанданбақ. Мемлекеттік ұйымдар кеңселері, квазимемлекеттік сектор органдары мен ұлттық компаниялардың, кәсіпкерлік субъектілерінің қызметіне рұқсат берілді.