Жаңалықтар

Қызылордада әлеуметтік қызмет көрсету мекемелерінің 524 маманы вакцина салдырды

2021 жылғы 14 сәуір 22:24
Қызылордада әлеуметтік қызмет көрсету мекемелерінің 524 маманы вакцина салдырды

ҚЫЗЫЛОРДА. ҚазАқпарат - Қызылорда облысындағы әлеуметтік қызмет көрсету мекемелерінің 524 маманы індетке қарсы екпе алды, деп хабарлайды ҚазАқпарат тілшісі.

Аймақта жыл басынан бері әлеуметтік қызмет көрсету орталықтарының стационарында 677 азаматқа, күндізгі бөлімшелерде 184 адамға қызмет көрсетілді. Қазір медициналық мекеменің үшеуі Талсуат елді мекенінде, бірі Қазалыда, енді бірі қалада орналасқан. Бүгінде бұл мекемелерге облыстық бюджеттен азық-түлік, дәрі-дәрмек, коммуналдық шығындары мен басқа да қажеттіліктеріне толығымен қаржы бөлінген. «Коронавирус пандемиясына байланысты 2-3 айға жететін қажетті дезинфекциялық құрал-жабдықтар қоры да дайын. Оның ішінде, 5 тепловизор, 31701 бетперде, 273 литр антисептик, 258 дана қорғаныш костюм, 12603 дана қолғап, 2710 бахила, 340 бір реттік халат пен 593 термометр бар», - деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов. Еске салсақ, Қызылордада Сырдария ауданы «қызыл» аймаққа енгізілді.