Жаңалықтар

СҚО стационарларында ем алып жатқан 325 сырқат оттегіге тәуелді

2021 жылғы 29 қараша 16:56
СҚО стационарларында ем алып жатқан 325 сырқат оттегіге тәуелді

ПЕТРОПАВЛ. ҚазАқпарат – Солтүстік Қазақстан облысында коронавирусты жұқтырғандар саны азайып келеді, алайда ауырғандардың басым бөлігінің жағдайы мәз емес, оттегіге тәуелді, деп хабарлайды ҚазАқпарат тілшісі.

СҚО санитариялық-эпидемиологиялық бақылау департаменті баспасөз қызметінің мәліметінше, өткен тәулікте облыста коронавирусты жұқтырудың жаңа 103 жағдайы тіркелді. Ауырғандардың 51-і – Петропавл тұрғындары. Қауіпті инфекцияны жұқтырғандардың 97-сінде, яғни 94 %-ында КВИ белгілері болған. Індет басталғалы өңірде 534 150 рет ПТР-тест алынып, соның 5,3 %-ында – 32 748 жағдайда зерттеу оң нәтиже көрсеткен. Ал өткен тәулікте 788 адамға ПТР-тест жүргізілді. СҚО өңірлік коммуникациялар қызметінің мәліметінше, қазіргі уақытта облыстың инфекциялық стационарларында 542 науқас ем алып жатыр. Оладың 325-і оттегіне тәуелді болса, 48 адам жансақтау бөлімшелерінде жатыр. Ауырғандардың 99 %-ы – вакцина алмағандар. Жалпы СҚО-да коронавирус жұқтырған 32 748 сырқат тіркелді, оның ішінде 456 жағдай сырттан әкелінген. Соның ішінде 25 381 адамда – 76 %-ында ғана ауру белгілері болған.